A Subdelegación do Goberno en Lugo entrega 500 mascarillas a ASPNAIS para protexer aos traballadores desta entidade
17/04/2020
Isabel Rodríguez fixo entrega do material sanitario ao presidente da asociación, José Reigosa
A campaña da Subdelegación xa chegara onte a entidades como a Cruz Vermella ou Cáritas
O obxectivo da campaña é chegar ao maior número posible de persoas que realizan labores de interese social e actividades de tipo esencial
A Subdelegación do Goberno continou hoxe coa campaña de distribución de mascarillas que desenvolve na provincia desde o pasado luns, día 13, coa entrega dun lote deste material sanitario á asociación de país ou titores de persoas con discapacidade intelectual de Lugo ASPNAIS.
A subdelegada, Isabel Rodríguez, entregoulle esta mañá ao presidente da entidade, José Reigosa, 500 mascarillas para a protección do persoal de ASPNAIS nos seus desprazamentos laborais.
Rodríguez loubou o esforzo que está a facerse desde ASPNAIS, especialmente nestes momentos, para dar a mellor atención aos residentes que están ao coidado da entidad. Pola súa parte, José Reigosa indicou que a entidade ten actualmente 43 usuarios da residencia dos que se ocupan 48 traballadores organizados en distintos turnos.
A Subdelegación do Goberno ten o obxectivo de chegar ao maior número posible de persoas que realizan labores de interese social ou actividades de tipo esencial nesta campaña de reparto de mascarillas, que xa chegou onte a outras entidades de Lugo como a Cruz Vermella ou Cáritas, así como a panadeiros ou taxistas.
O importante dispositivo posto en marcha para realizar a distribución do material sanitario na provincia mobilizou durante toda a semana a axentes do Corpo Nacional de Policía e da Garda Civil, aos que Isabel Rodríguez quixo agradecer expresamente a súa implicación e compromiso social.