Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Galicia
- Delegado do Goberno
- Actualidade
- Proyectos, Campañas e Información
- Servicios y Directorio
- Subdelegación do Goberno en Lugo
- Subdelegación do Goberno en Ourense
- Subdelegación do Goberno en Pontevedra
- Subdelegación do Goberno na Coruña
Maica Larriba agradece “toda unha vida de entrega profesional” aos funcionarios da Subdelegación xubilados nos dous últimos anos
28/01/2022
A subdelegada recoñeceu a súa dedicación e esforzo para servir á cidadanía “a pesar de atravesar momentos de moita dificultade marcados pola pandemia".
A Subdelegación do Goberno en Pontevedra acolleu esta mañá un acto de homenaxe a 8 empregados públicos de diferentes departamentos xubilados ao longo dos dous últimos anos. A subdelegada do Goberno, Maica Larriba, agradeceulles a todos e a todas “unha vida de entrega profesional traballando nesta subdelegación”, así como “o trato recibido e a profesionalidade de cada un e cada unha de vós”.
A subdelegada do Goberno lembrou que os dous últimos anos xiraron ao redor da pandemia polo que lles agradeceu que “a pesar de atravesar momentos duros, souberades corresponder con dedicación e esforzo para darlle o mellor servizo á cidadanía como servidores públicos”.
Maica Larriba mostrouse consciente dos esforzos esixidos ao conxunto de funcionarios ao longo dos últimos anos e lembrou que para ir revertendo a situación “o Goberno está realizando un traballo moi importante asumindo novos compromisos coa maior dotación de prazas e co incremento económico das nóminas”.