José Miñones subliña a necesidade de canalizar a información e a *solidaridade cos desprazados pola guerra en Ucraína a través das canles oficiais
18/03/2022
Informa que desde o 10 de marzo o Goberno concedeu protección a 151 desprazados en Galicia polo conflito con Rusia
Avanza que o Goberno traballa na posta en marca dunha rede de acollemento familiar en colaboración cos servizos sociais dos concellos
A Delegación convocará nos próximos días o *COTEGA, comité que coordinará os dispositivos e as necesidades derivadas da chegada masiva de persoas desprazadas
Subliña que España “ten capacidade de dar resposta á chegada dos refuxiados e refuxiadas polo conflito” con máis de 20.000 prazas dispoñibles
O delegado do Goberno en Galicia, José Miñones, subliñou hoxe en Santiago a necesidade de canalizar a través das vías oficiais a información e a *solidaridade relacionada coas persoas desprazadas pola guerra de Ucraína. O delegado insistiu nesta idea tras a reunión que mantivo en Santiago coa Xunta de Galicia, FEGAMP e *ONGs involucradas na atención a este colectivo, a quen lles trasladou o avance no plan de acollida e de protección dos refuxiados e refuxiadas aprobado polo Goberno.
José Miñones destacou que España “ten capacidade de dar resposta á chegada dos refuxiados e refuxiadas polo conflito” con máis de 20.000 prazas dispoñibles. O Goberno puxo en marcha os centros de recepción, acollida e derivación que son os primeiros puntos de atención ás persoas que proceden da Ucraína. Neles dáse a primeira atención humanitaria, psicolóxica, sanitaria e tamén legal.
Unha das medidas máis importantes é a relacionada coa tramitación dos permisos de traballo e residencia a estas persoas, que lles permiten iniciar un proxecto de vida e acceder aos servizos públicos esenciais. O Goberno aprobou unha tramitación de urxencia que en menos de 24 horas permite a quen fixo a solicitude dispor da súa documentación.
O delegado do Goberno informou que, desde o pasado 10 de marzo, o Ministerio do Interior tramitou en Galicia 151 proteccións temporais a desprazados pola guerra en Ucraína que buscaron refuxio na Comunidade. Indicou que o catro comisarías provinciais de Policía están preparadas para realizar este procedemento de urxencia. E engadiu que a elas “se sumarán proximamente as comisarías de Ferrol, Santiago, Vigo e Tui onde tamén se prestará este servizo”.
Comité Técnico *COTEGA
José Miñones informou da próxima convocatoria do Comité Técnico ( *COTEGA) que coordinará a nivel galego a chegada e recepción das persoas desprazadas a causa do conflito.
Este comité traballará no deseño conxunto de accións humanitarias e na preparación de dispositivos para a chegada masiva de persoas desprazadas de Ucraína, así como no establecemento dos protocolos operativos necesarios.
O delegado detallou que o comité integrará representantes da Administración Estatal, a Xunta e a FEGAMP; entidades sociais, forzas de seguridade e responsables de infraestruturas e sistemas de transporte público.
Rede de acollemento familiar
José Miñones avanzou que o Goberno vai pór en marcha unha Rede de Acollemento Familiar para dar resposta de maneira ordenado ás ofertas de vivendas particulares para acoller familias refuxiadas.
Esta rede contará coa colaboración dos servizos sociais dos concellos que serán os encargados de comprobar a idoneidade dos fogares. Ademais, as familias de acollida poderán acceder a axudas para compensar os gastos derivados do acollemento.