Irunen eta Hendaian larunbat honetan Trenaren Europako Urtea ospakizuna egingo da
01/09/2021
- Espainiako eta Frantziako gobernuek, Europako Batzordearekin lankidetzan, Hendaian Connecting Europe Express-en geldialdia antolatuko dute, konektibitatearen sinbolo gisa kontinenteko 100 hiri baino gehiago zeharkatuko dituen EBko trena
- Ospakizunak mugara abiadura handia iristearen garrantzia azpimarratzeko balioko du
Trenbideak pertsonak eta enpresak lotzeko daukan boterea erakusteko asmoz, Europar Batasunak 2021ean Trenaren Urtea ospatzen du. EBren helburua da haren onurei buruzko kontzientzia publikoa sortzea eta, aldi berean, oraindik gainditu behar diren erronkak nabarmentzea. Xedeen artean ere badago mota horretako azpiegituren plangintzaren eta haien finantzaketa jasangarriaren garrantzia azpimarratzea.
Conecting Europe Express trena egingo den ospakizun honen proiektua da, bai eta konektibitate-sinboloa ere, kontinentea zeharkatuz, Lisboatik Bukarestera eta Berlinetik Parisera, Expresoa bihar, irailak 2, Lisboatik abiatuko da, eta Portugalen hainbat geldialdi egin ondoren, bai eta Medina del Campon eta Madrilen ere ostiral 3ean, larunbatean Hendaian egingo du geldialdia berriro, Irunen hainbat agintari hartu ostean. Bertan Espainiako eta Frantziako gobernuek ospakizuna antolatu dute 13:25erako.
2021eko Trenbidearen Europako Urtean zehar jarduera ugari egiten ari dira, hala nola hitzaldiak, ikerketak, erakusketak eta lehiaketak. Jarduerak Europa guztian antolatzen ari dira. Hendaiako geldialdiaren kasuan, aurreikusten da Alain Rousset Akitania Berriko eskualdeko presidenteak, Denis Itxaso EAEko Espainiako Gobernuaren ordezkariak eta Iñaki Arriola Eusko Jaurlaritzako Lurralde Plangintza, Etxebizitza eta Garraio saileko Sailburuak, besteak agintaritza beste. Trenbidearen funtsezko eginkizuna eta bidaiari eta salgai gehiago erakartzeko oraindik gainditu behar dituen erronkak nabarmenduko dituzte. Ospakizunak mugara abiadura handia iristearen garrantzia azpimarratzeko balioko du.
26 herrialdetako ehun hiri baino gehiagotan geldialdiak eginez, Connecting Europe Expressek Europar Batasuneko Kontseiluko presidentetza portugaldarrak, esloveniarrak eta frantziarrak batuko ditu eta urriaren 7an Parisera helduko da. Proiektua ahalegin paregabea da, CER, operadoreak, azpiegitura-administratzaileak eta tokiko estatu eta Europa mailako beste bazkide asko biltzen dituena.
Bere bidaian, Connecting Europe Expressek hiru tren mota erabiltzen ditu EBn erabiltzen diren trenbide-zabalera desberdinetara egokitzeko: zabalera iberiarreko bat Portugalen eta Espainian ibiliko da, zabalera baltikoko beste bat Estonian, Letonian eta Lituanian, eta zabalera estandarreko beste bat bidaiaren gainerakoan. Horrela, EBko trenbide-sarearen zati batzuen arteko elkarreragingarritasunik eza adierazten da eta, aldi berean, trenbide-sektoreko operadoreen arteko lankidetza bikaina.