O Ministerio de Fomento ultima os traballos de mellora do firme da N-634 en Abadín

O Ministerio de Fomento ultima os traballos de mellora do firme da N-634 en Abadín

25/02/2019


A subdelegada do Goberno en Lugo, en visita ás obras, remarca “o compromiso do Goberno coa provincia de Lugo, que queda patente co esforzo que está a facer Fomento para garantir o bo estado da rede estatal de estradas, logo de anos de abandono”

O Goberno xa dedicou 21,1 millóns de euros á conservación da rede estatal de estradas na provincia e incluiu outros 26 millóns no proxecto dos PXE

Fomento realiza obras de posta a punto do firme na N-634, a N-VI, a N-540 e a N-120 cun presuposto de 2,22 millóns de euros

A actual fase das obras de emerxencia na N-634 benefician aos concellos de Abadín, Vilalba, Lourenzá e Barreiros


A subdelegada do Goberno, Isabel Rodríguez, efectuou unha visita, en Abadín, ás obras que está a levar a cabo o ministerio de Fomento para a mellora do firme na N-634. Estas obras inclúense dentro do plan de choque de acondicionamento da rede de estradas do Estado na provincia de Lugo.

Isabel Rodríguez remarcou “o compromiso do Goberno coa provincia de Lugo, que queda patente co esforzo que está a facer Fomento para garantir o bo estado da rede estatal de estradas, logo de anos de abandono”. Tamén destacou que con estas obras de mellora do firme “aseguramos a conservación das principais vías de comunicación da provincia, pero ademais contribuímos a mellorar a seguridade vial, que é o noso principal obxectivo”.

A  subdelegada inspeccionou os traballos de mellora do firme que nesta fase se están a ultimar hoxe no municipio de Abadín. Esta actuación inclúese no plan de posta a punto do firme na N-634, a N-VI, a N-540 e a N-120 e conta con un presuposto total de 2,22 millóns de euros. A actual fase das obras de emerxencia na N-634 afectan aos concellos de Abadín, Vilalba, Lourenzá e Barreiros.  

Fomento xa leva investidos en obras de conservación nas estradas da provincia máis de 21,1 millóns de euros e contaba con unha partida de 26 millóns de euros para o mesmo fin no proxecto dos Presupostos Xerais do Estado para este ano.