Delegacions
- Delegacions
- Què és l'Administració General de l'Estat en el Territori?
- Normativa
- Delegacions del Govern
- Delegació del Govern a la Comunitat Autònoma d’Andalusia
- Delegat del Govern
- Actualitat
- Proyectos, Campañas e Información
- Servicios y Directorio
- Subdelegació del Govern a Sevilla
- Subdelegació del Govern a Almeria
- Subdelegació del Govern a Cadis
- Subdelegació del Govern a Còrdova
- Subdelegació del Govern a Huelva
- Subdelegació del Govern a Jaén
- Subdelegació del Govern a Màlaga
- Subdelegació del Govern a Granada
Fomento estudará posibles melloras no proxecto da N-541 ao seu paso por Viascón, no concello de Cerdedo-Cotobade
30/10/2018
A subdelegada do Goberno en Pontevedra, xunto a responsables de Fomento, analizarán as propostas realizadas polo alcalde e a veciñanza para garantir a seguridade viaria na parroquia
A subdelegada do Goberno en Pontevedra, Maica Larriba, e o alcalde de Cerdedo-Cotobade, Jorge Cubela, mantiveron hoxe unha xuntanza na sede da Subdelegación na que tamén participaron responsables da Demarcación de Estradas de Galicia dependente do Ministerio de Fomento para analizar o proxecto de mellora da seguridade viaria na parroquia de Viascón. Esta xuntanza foi previa a outra celebrada coa asociación veciñal “O Agro” e a comunidade de Montes no que se informou a veciñanza dos acordos adoptados.
Neste encontro, celebrado nun clima de máxima colaboración e entendemento, o alcalde manifestou unha serie de demandas sobre o proxecto de seguridade viaria da N-541 ao seu paso pola parroquia de Viascón. Os responsables de Fomento comprometéronse ao estudo das posibles alternativas e a que o proxecto construtivo non se inicie polo momento.
Este mesmo extremo foi anunciado nunha xuntanza posterior aos portavoces veciñais que mostraron a súa satisfacción pola información facilitada e polo interese da Subdelegación e Fomento en atender as principais reclamacións da veciñanza.
Todos estes extremos serán analizados nunha posterior xuntanza tanto co alcalde como coa veciñanza da parroquia de Viascón.