Inicio > Delegaciones > Delegaciones del Gobierno > Delegación del Gobierno en la Comunidad Autónoma de Galicia > Actualidad > Notas de Prensa > Notas > 2021 > Mayo > José Miñones destaca o recoñecemento do valor histórico da Revista “Nós” coa súa incorporación ao nome da Biblioteca Pública do Estado en Ourense
Delegaciones
- Delegaciones
- ¿Qué es la Administración General del Estado en el Territorio?
- Normativa
- Delegaciones del Gobierno
- Delegación del Gobierno en la Comunidad Autónoma de Andalucía
- Delegado del Gobierno
- Actualidad
- Proyectos, Campañas e Información
- Servicios y Directorio
- Subdelegación del Gobierno en Sevilla
- Subdelegación del Gobierno en Almería
- Subdelegación del Gobierno en Cádiz
- Subdelegación del Gobierno en Córdoba
- Subdelegación del Gobierno en Huelva
- Subdelegación del Gobierno en Jaén
- Subdelegación del Gobierno en Málaga
- Subdelegación del Gobierno en Granada
José Miñones destaca o recoñecemento do valor histórico da Revista “Nós” coa súa incorporación ao nome da Biblioteca Pública do Estado en Ourense
20/05/2021
O delegado do Goberno en Galicia sinala que con este nova denominación oficial queda patente a repercusión cultural de “Nós” para a cidade de Ourense e a cultura galega
O delegado do Goberno en Galicia, José Miñones, informa de que o Ministerio de Cultura e Deporte vén de acordar a designación de “Biblioteca Pública do Estado en Ourense Nós” como nova denominación oficial da Biblioteca Pública do Estado en Ourense, tal e como recolle o Boletín Oficial do Estado.
José Miñones destacou que, coa incorporación da mención de “Nós” na nova designación oficial deste centro, estase a recoñecer o valor histórico da Revista “Nós” e a súa repercusión cultural para a cidade de Ourense e para toda a cultura galega.
A nova denominación oficial da biblioteca, acordada tendo en conta a petición realizada pola Consellería de Cultura, Educación e Universidade da Xunta de Galicia, será aplicable dende hoxe nos seus usos tanto en lingua castelá como en lingua galega e deberá figurar no edificio, nos selos identificadores e nos impresos da mesma.
O delegado do Goberno remarcou que o centro, emprazado no conxunto do Convento de San Francisco e que supuxo un investimento total do Ministerio de Cultura e Deporte de máis de 12 millóns de euros, converteuse nun referente cultural e arquitectónico da cidade, formando parte do complexo urbano definido polos tres edificios do Ministerio (Biblioteca, Arquivo e Depósito do arquivo) e pola súa proximidade ao Auditorio e Pazo de Congresos de Ourense.
O novo edificio da biblioteca, de titularidade estatal e xestión transferida á Xunta de Galicia, foi inaugurado no ano 2019 e permitiu multiplicar a capacidade que ocupaba no seu anterior emprazamento para albergar un fondo bibliográfico de máis de 193.000 documentos e incrementar os seus servizos, contando con salón de actos, bebeteca, zona de préstamo e consulta de adultos, salas infantís e xuvenís, hemeroteca, espazos de traballo e formación e acceso a internet.
José Miñones salientou o traballo e compromiso do ministro de Cultura e Deporte, José Manuel Rodríguez Uribes, con Galicia, con iniciativas como a da biblioteca ou outras ligadas a diversos ámbitos como as relacionadas co Xacobeo.